2015 metu balondė 15 dėina Lėtoviu liaudės ė kultūras cėntrė „Ratilio“ kartu su „Labingio“ pristatė nesenē išlēsta Bruonės Teniukienės tautuosakas ė atsėmėnėmu knynga „Pamuoteli raganeli“. Knyngas sudarytuojė - mūsa vaduovė Milda Ričkutė. Kāp par pristayma sužėnuojuom, Bruonelē (tāp vėsum pažystamu vadynta) teka gyventė ėvairiuos žemaitėjės vėituos, dil tuo i anuos kalbuo, i dainuos pārsimaišė pėitū ė šiaurės žamaitiu patarmės. Bronelė yr pateikosi daugiau kāp 300 tautuosakas vėinetu, ėš katrūm i rėnktėnė sūgolė 115 dainūm, 2 eilieraštē, 2 paprotiū aprašymā, 5 šuokē, 10 ratieliūm. Vės pamėslėju, kāp tāp žmuonės sogebiedava tėik daug atsėmynt...
Nu vo patēm pristatymou ėlgā ruošiemies, tai ta nepėlna adyna praliekė grētā i sklondē. Pasiruodyma pradiejė Justinelė, katra, musiek ateitē besiruošdama, paliuliava kelės luopšėnės. Puo anuos bova lyrėnės dainas, so „Labingė“ už dušės griebontė daina „Oi liuliū, liuliū, laivas unt marių...“, bova sokami ratelē, dainioujamas jumoristėnės dainas (su mūsa „etatiniu ubageliu“ Luku), vyrėškas dainas (diekou cimbuolam! Jē nepadouts si, nebūtomēm tāp gerā sudainiavė). Pristatyma užbaigiem so Bruonelės pateikto šuokio „Aleksandruovu“.
Vuo pabėnguo nuoro padiekavuot mūsa vaduoviem, katrūm darba dieka išlēsta ta knynga i diel katrūm vartydams a klausydams knyngas yrašu sosėpažysto so šmuoteliu sāva krašta tradėcėjės.
 
Irmants R.

Artimiausi renginiai

<<  <  Kovas 2024  >  >>
 Pr  An  Tr  Kt  Pn  Šš  Sk 
      1  2  3
  4  5  6  7  8  910
11121314151617
18192021222324
25262728293031

Naujausi leidiniai

Go to top